• Trupi dhe Shëndeti

21 mënyra për të marrë më shumë proteina pa konsumuar mish

Ka shumë mënyra të shëndetshme për të rritur konsumimin tuaj të proteinave pa përdorur mishin.

Në ditët e sotme, proteina është kthyer në lëndën ushqyese më të rëndësishme, dhe kjo për një arsye të mirë. Gram pas grami, proteina është më e ushqyeshme se karbohidratet apo yndyra, çka do të thotë se ju bën të ndiheni të ngopur për një kohë më të gjatë. Proteina është gjithashtu thelbësore për riparimin dhe vendosjen e masës muskulare si dhe ndikon në rritjen e metabolizmit.

Dieta e rekomanduar ditore është 0.8 gram proteina për kilogram të peshës trupore. Për pjesën më të madhe të meshkujve dhe femrave në moshë të rritur, kjo përkthehet në 46 deri në 56 gram proteina cdo ditë. Për referencë, një hamburger i vogël me peshë rreth 85 gram përmban rreth 24 gram proteina.

Disa specialist thonë që amerikanët marrin mjaftueshëm proteina ose ndoshta edhe më shumë se ç’duhet; të tjerë japin argumenta se ne mund të konsumojmë më shumë se ç’rekomandohet (…dhe ndoshta duhet).

Nëse po kërkoni të rrisni konsumimin tuaj të proteinave, kjo nuk nënkupton domosdoshmërisht “të hash më shumë mish”. Me gjasa, jeni të vetëdijshëm për mënyra se si të shtoni proteina me baza mishi në dietën tuaj; siç janë mishi i viçit, mishi i pulës, ushqimet me bazë fruta deti etj. Megjithëse proteina me bazë shtazore jep të gjitha amino-acidet esenciale që i nevojiten trupit të njeriut, ju mund të merrni proteina të mjaftueshme edhe nga burime me bazë bimore.

Më poshtë po listojmë 21 mënyra të thjeshta alternative për të shtuar proteina në dietën tuaj:

1. 1 filxhan çaji kikirikë – 41 gram proteina

2. 1 filxhan çaji fara kungulli – 39 gram

3. 128 gram djath (i bardhë, mocarela) – 36 gram

4. 1 filxhan çaji tempeh* - 34 gram (*tempeh është një produkt tradicional soje nga Azia Juglindore. Vjen nga kultivimi natyror dhe nga një proces i kontrolluar fermentimi që i kthen kokrrat e sojës në formë biskote)

5. 128 gram gjizë pa yndyrë – 28 gram

6. 1 filxhan çaji tërshërë – 26 gram

7. ½ filxhan çaji tofu* – 22 gram (*tofu është një komponent tradicional i kuzhinës së Azisë Lindore dhe Juglindore. Ky lloj ushqimi prodhohet nga proçesi i koagulimit të qumështit të sojës dhe më tej nga shtypja e produktit që derivon nga koagulimi në blloqe të vogla me butësi të ndryshme)

8. 1 filxhan çaji kos grek pa yndyrë – 22 gram

9. 1 filxhan çaji fasule – 21 gram

10. 1 filxhan çaji fasule të bardha – 19 gram

11. 1 filxhan çaji fasule pinto – 19 gram

12. 1 filxhan çaji thjerrëza – 18 gram

13. 1 filxhan çaji bishtaja Edamame* – 17 gram (*bishtajat Edamame janë bishtaja të papjekura soje të cilat zihen me avull dhe shërbehen me kripë, një produkt tipik i Azisë Lindore)

14. 1 filxhan çaji fasule Madagaskari – 15 gram

15. 1 burger vegjetarian – 11 gram

16. 2 lugë gjelle gjalp kikiriku – 9 gram

17. 1 filxhan çaji kos tofu – 9 gram

18. 1 filxhan çaji kinoa e gatuar – 8 gram

19. 1 filxhan çaji qumësht i skremuar – 8 gram

20. 1 filxhan çaji qumësht soje – 7 gram

21. 1 lugë gjelle miso* – 2 gram (*miso është një erëz tradicionale japoneze që prodhohet nga fermentimi i kokrrave të sojes me kripë dhe ndonjëhere me oriz, elb, alga deti apo përbërës të tjerë)


0 comments

Recent Posts

See All

Kjo faqe është ndërtuar me mbështetjen e Shoqatës Shqiptare të Edukimit dhe Promovimit Shëndetësor "HOPE Albania"

  • Grey Facebook Icon
  • Grey Instagram Icon
  • YouTube - Grey Circle